“McAfee” së fundmi ka bërë publike listën e 10 personazheve më të “rrezikshëm” në internet për vitin 2019-të. Nëse klikoni emrin e tyre në internet, kompjuteri ose telefoni juaj rrezikon të preket nga viruset. Komediani amerikan John Oliver kryeson listën si emri më i rrezikshëm për t’u kërkuar. Pjesë e listës janë edhe tre komedianë të tjerë, James Corden, Jimmy Kimmel dhe Jimmy Fallon.
Përveç aktorëve, pjesa më e madhe e listës është e mbushur me emra të këngëtarëve dhe pjesë e listës është edhe Dua Lipa. Këngëtarja me origjinë shqiptare renditet e dyta dhe ndiqet nga artistë të tjerë si, Nicki Minaj, DJ Calvin Harris dhe Billie Eilish. Pjesë e listës është edhe Liam Hemsworth dhe Emilia Clarke.
