Emiratet e Bashkuara Arabe sjellin 460 çadra dimërore për t’prekurit nga tërmeti

Emiratet e Bashkuara Arabe vijojnë të japin ndihma për të prekurit nga tërmeti në Shqipëri.

Kësaj here Emiratet e Bashkuara Arabe kanë sjellë 460 çadra dimërore, për familjet në zonat rurale.

“Solidaritet anekënd botës pas tërmetit të 26 nëntorit. Emiratet e Bashkuara Arabe u janë bashkuar vendeve që po ndihmojnë në përballimin e pasojave të tërmetit, duke sjellë 460 çadra dimërore për të lehtësuar sadopak vështirësitë e familjeve të prekura në zonat rurale, të cilat e kanë të pamundur të strehohen nëpër hotele”, ka shkruar ministrja Xhaçka në profilin e saj.

Kujtojmë se Emiratet e Bashkuara Arabe dhanë 3 milion euro për të prekurit nga tërmeti, që goditi Shqipërinë në 26 nëntor.

Lexo edhe :

• Fatura e tërmetit/ Rama me ministrin italian: Deri tani rreth 1 miliard euro

• Tërmeti i fuqishëm shkund Turqinë, ja sa ballë ishte

• Tërmeti/ Ministria e Arsimit: Kur do të zëvendësohen ditët e pushimit