E martë, 23 Shkurt, 2021
11 C
Tirana

Ekonomia ngec nga tërmeti, euro zbret në 122 lekë

Monedha e përbashkët ka humbur vazhdimisht pikë gjatë javëve të fundit. Sipas kursit zyrtar të Bankës së Shqipërisë, një euro u këmbye sot me 122.05 lekë, duke rëne me 0.04 lekë në raport me ditën e mëparshme. Që nga fillimi i dhjetorit, euro ka humbur 0.6 lekë.

Ekspertët e kursit të këmbimit pohojnë se dy janë arsyet kryesore të kësaj tendence, që lidhen me tregun e brendshëm, teksa në bursa euro ka qenë relativisht e fortë duke u mbiçmuar në raport me dollarin në 1.11 USD.

-Së pari, tërmeti shkatërrues i 26 nëntorit ka shkaktuar një ngërç në konsum dhe ka goditur bizneset tregtuese, çka ka ulur kërkesën për valutë, ndonëse në fillim të dhjetorit përgjithësisht ka më shumë qarkullim të mallrave. Edhe konsumatorët janë stepur dhe po hezitojnë të bëjnë blerje të mëdha, duke sjellë nga ana tjetër më pak qarkullim të monedhës vendase.

-së dyti, në gjysmën e dytë të muajit, me afrimin e festave të fund vitit fillojnë  e ndihen efektet sezonale, për shkak të prurjeve të emigrantëve. Këto prurje këtë vit kanë qenë edhe më të hershme për shkak të ndihmës që kanë dhënë të afërmit për të prekurit nga tërmeti, kryesisht në Durrës, që për shkak të afërsisë me Italinë ka një nivel të lartë të emigracionit përtej detit.

Ekspertët e  kursit presin që euro të jetë e dobët deri afër fundit të vitit, bazuar në tendencat sezonale të konstatuara më herët.

Monedha e përbashkët ka vijuar tendencën nënçmuese edhe gjatë këtij viti, ndonëse luhatjet kanë qenë më të ulëta në raport me 2018-n.

Për periudhën 3 janar-18 dhjetor, kursi mesatar i euros është 123 lekë, nga 127.6 lekë që ishte mesatarja e vitit të kaluar. Niveli më i lartë i euros për këtë vit është arritur në shkurt, me 125.73 lekë./Monitor

- Reklama -

Më shumë nga kategoria




Të fundit

Detaje të reja për vdekjen e Maradonës, hetuesit përfshijnë dhe dy të dyshuar

Në hetimin për vdekjen e Diego Armando Maradonas janë përfshirë edhe dy të dyshuar të tjerë. Ata janë Nensi Forlini, ekzekutive e kompanisë së...

Vrasja e dyfishtë për drogë në Malësi të Madhe/ Mbyllen hetimet për babë e bir

Pesë muaj nga vrasja e Vilson Çutajt dhe Klemend Pepajt në Malësi të Madhe, Prokuroria e Shkodrës ka mbyllur hetimet duke gjetur vetëm një...

Koronavirusi/ Më shumë të shëruar se të infektuar, por kurba mbetet e lartë

Kurba e koronavirusit vijon të mbetet e lartë, pasi në 24 orët e fundit janë regjistruar 1.021 raste të reja, nga 3.258 testime të...

Pse temperaturat ulen shumë gjatë natës në shkretëtira?

Nëse do të ndërmerrni një udhëtim ditor në shkretëtirën e Saharasë në Afrikën e Veriut, do të duhet të keni me vete më shumë...

Burgosja e Navalny/ BE bie dakord për sanksione të reja kundër Rusisë

Për shkak të veprimit kundër kritikut të Kremlinit Navalny, ministrat e jashtëm të BE kanë rënë dakord për sanksione të reja kundër Rusisë. Përgjegjësit...