Tashmë aventurës së Ancelottit te Napoli i ka ardhur fundi. Megjithatë, trajneri i njohur duket se nuk do të pushojë aspak pas shkarkimit të tij. “Corriere dello Sport” ka zbuluar detajet nga kontrata e re që tekniku italian pritet të firmos në ditët në vijim me ekipin e Evertonit.
Bëhet fjalë për një kontratë për 4 vite e gjysmë, e cila do të skadojë më 2024 nga ku Ancelotti, përfshi dhe stafin e tij, do të përfitoj në total afro 27 milion euro. Kjo kontratë e ofruar nga Everton ka qenë dhe arsyeja pse Ancelotti nuk ka hezituar dhe ka pranuar të marrë drejtimin e një ekipi që është në krizë.
Paga gjithashtu është një tjetër detaj që ka bindur “profesorin”, do të përfitoj më shumë se sa merrte tek Napoli. Pas një eksperience në Londër me Chelsea ku fitoi dhe titullin kampion, Ancelotti rikthehet në Premier League pas afro 8 vitesh.
