Data 31 dhjetor 2019 është afati i fundit kur do të lejohet regjistrimi i makinave të zhdoganuara dhe që nuk janë Euro 4.
EURO 4 është një sistem i instaluar në makinat e prodhuara dhe që kanë nivel ndotje shumë të ulët. Ky kriter është një standard për makinat e reja të prodhuara pas vitit 2005. Vendimi i cili kishte si kriter moslejimin e zhdoganimit të makinave që ishin prodhuar para vitit 2009, ishte parashikuar të hynte në fuqi që nga janari i këtij viti.
Por ky vendim u hodh poshtë më pas për shkak të kritikave të shumta. Kështu që , u vendos që në vend do të hynte çdo automjet që plotësonte kriterin Euro 4, pa marrë parasysh vitin e prodhimit.
Ndërsa sa i përket makinave me kilometrazh zero, ‘Shqiptarja.com’ raporton se duhet të përmbushin kategorinë mjedisore EURO 5 dhe EURO 6. Në periudhën Janar – Nëntor janë regjistruar 5,486 mjete me vit prodhimi mbi 2009, EURO 4 e lartë një rritje me 42.5% krahasuar me 2018.
