Arkimed Lushaj, i njohur me emrin e artit si Stresi, ka qenë mjaft aktiv në protestën e organizuar për Klodian Rashën. Madje ai u shpall në kërkim nga policia, dhe mbi të rëndojnë akuzat për veprat penale “Organizim dhe pjesëmarrje në tubime të paligjshme” dhe “Pengimi i qarkullimit të mjeteve të transportit”, “Kundërshtimi i punonjësit të policisë së rendit publik”, “Prishja e qetësisë publike”, “Shkatërrimit të pronës me zjarr” dhe ”Mosbindja ndaj urdhrit të punonjësit të policisë së rendit publik”.
Ndër postimet e tij, bie në sy revolta e hapur ndaj personave që i kanë dalë kundër, mes tyre edhe Einxhel Shkirës. Ajo shkruante se nuk doli në protestë, në respekt të dhimbjes së familjes së 25-vjeçarit.
Më tej, Einxhel dënonte dhunën dhe shkatërrimet e kryera nga protestuesit në kryeqytet. Reperi ka rishpërndarë në Instastory shkrimin e saj, duke iu kthyer me një fjalor banal.
Por nuk ka vonuar as përgjigja e Einxhel. Ajo ka shpërndarë në Instastory një video nga intervista që ka zhvilluar me Stresin, madje duke e cilësuar një njeri dështak.
