E pyetën se kush është gazetari më i mirë në Shqipëri, përgjigjet Ilva Tare

Gazetarja e njohur Ilva Tare ka zgjedhur t’u përgjigjet pyetjeve që ndjekësit e saj në “Instagram” kishin për të.

Nga të gjitha pyetjet, ajo ka hezituar t’i japë përgjigje të drejtpërdrejtë njërës prej tyre, teksa një nga ndjekësit kërkonte të dinte se cili është gazetari më i mirë në Shqipëri sipas saj.

Gazetarja në fjalë, jo vetëm që zgjodhi të mos përmendte ndonjë emër në veçanti, por në mënyrë që të shmangte ndonjë sherr, siç e quante ajo, u mjaftua vetëm me dhënien e karakteristikave që sipas saj duhet të ketë një gazetar i mirë.

“Ti nuk dashke përgjigje por sherr. Cilido përpiqet të bëjë gazetari të mirë, të drejtë dhe të pavarur nga çfarëdolloj interesi. Ky është për mua gazetari i mirë”, shkruan Ilva Tare.