Ish-deputetja e PD-së, Jorida Tabaku, është dënuar me gjobë ditën e sotme nga Gjykata e Tiranës, pasi është dënuar për shpifje pas padisë së ngritur nga Kryeministri Edi Rama.
Kryeministri Rama ka paditur më herët Tabakun për shpifje, duke kërkuar prej saj 1 milionë lekë dhe përgënjeshtrim të deklaratës. Ish-deputetja kishte bërë një deklaratë në lidhje me lojërat e fatit, që sipas saj ishin katërfishuar gjatë kohës së qeverisjes së Ramës.
Por edhe pse kryeministri kërkoi 1 milionë lekë, Tabaku pas vendimit të gjykatës është e detyruar që të paguaj një shumë prej 300 mijë lekësh.
“Detyrimin e palës së paditur, Jorida Tabaku, t’i paguajë paditësit Edi Rama si dëmshpërblim për dëmin jopasuror të shkaktuar nëpërmjet deklarimit të saj në faqen Facebook të datës 25.10.2018 shumën prej 300 mije lekë”, thuhet në vendim.
