Nga nesër, pothuajse i gjithë vendi do të jetë zonë e gjelbër. Pas hapjes së lëvizjes, shumë biznese do të ushtrojnë aktivitetin e tyre. Sikundër është njoftuar edhe më herët, pritet që nesër berberët, qendrat estetike dhe klinikat dentare të ushtrojnë veprimtarinë e tyre nën masa të rrepta higjieno-sanitare.
Vetëm 6 bashki që janë ende zona të kuqe, lëvizja e qytetarëve dhe automjeteve do të kryhet me autorizim.
E diela shënoi një rritje të numrit të të prekurve me COVID-19. Sipas Ministrisë së Shëndetësisë, 12 nga përgjigjet kanë rezultuar pozitive. Nga data 11 maj do të ketë një tjetër lehtësim masash. Ndërsa zonave të gjelbra i shtohen dhe 14 bashki.
Ministrja e Shëndetësisë, Ogerta Manastirliu, ka firmosur urdhrin që thotë se bizneset që hapen nga kjo e hënë, duhet të nisin punën nga ora 08:00 deri në 17:30.
