Grabitet një automjet i blinduar, i cili po transportonte paratë e një banke drejt Rinasit. Ngjarja ka ndodhur pak më parë, ndërsa autorët e grabitjes ishin të kamufluar, të veshur me rroba ushtarake, në një furgon të bardhë pa targa.
Po ashtu, automjeti ku ndodheshin grabitësit, kishte mbishkrimin “hetimi tatimor”, ndërsa autorët kanë qenë edhe të armatosur. Mësohet se paratë e grabitura ishin transfertë e një banke të nivelit të dytë dhe do të transferoheshin jashtë vendit.
Dyshohet se shuma e grabitur është 2 milion euro, ndërsa pritet që policia të japë detaje lidhur me ngjarjen. Aktualisht në vendngjarje ndodhen forca të shumta të policisë, ndërsa kjo e fundit ka bllokuar aksin rrugor Rinas-Valias dhe po punon për kapjen e autorëve.
Pranë Rinasit është gjetur një automjet i djegur, i cili dyshohet se është përdorur nga autorët për grabitjen.
