Në Durrës grupet e punës së IKMT vijojnë punën për prishjen e banesave dhe pallateve që u dëmtuan nga tërmeti i javës së kaluar.
Aktualisht mësohet se Inspektorati Kombëtar i Mbrojtjes së Territorit po shemb vilën “Lubjana”. Grupi i punës ka hasur në vështirësi për shembjen e godinës për shkak të pozicionit të saj dhe afërsisë me banesat e tjera.
Problemi kryesor i IKMT-së mbeten ndërtesat e mëdha, pasi ato janë shumë afër me ndërtesa të tjera. Tregues ky i qartë që në ndërtimin e tyre nuk është zbatuar asnjë kriter teknik.
