Drejtoresha e ISHP-së, Albana Fico ka folur në lidhje me situatën aktuale të krijuar prej pandemisë Covid-19, duke thënë se gjërat janë nën kontroll pavarësisht rritjes së rasteve ditore.
Sipas saj ka një ndërgjegjësim më të madh te qytetarët e moshës së tretë sa i përket mbajtjes së maskës.
“Situata e Covid-19 është në kontroll. Kemi rritje të rasteve dhe të të prekurve me Covid. Nëse kemi të bëjmë vetëm me një maskë efekti i saj do të shikohej në 4 deri në 6 javë. Të mos harrojmë që njëherazi qytetarët janë shumë të ndërgjegjësuar sa i përket distancimit. Duhet të falenderojmë qytetarët e moshës së 3-të. Kemi rezultat më të mirë te këta. Kjo është një provë që na lejon ta përdorim me mirësi për tu thënë të gjithëve ja ku kemi prindërit dhe gjyshërit tanë”, tha Fiço në ‘Report TV’.
Sa i përket rikthimit të karantinës, ajo shtoi se kjo nuk mund të përcaktohet paraprakisht pasi varet nga ecuria e situatës së pandemisë dhe se sa qytetarët i zbatojnë masat.
