Në emisionin “Dua të të bëj të lumtur”, u trajtua rasti i një babai i cili dëshitonte ti kërkonte falje gruas, e mbi të gjitha që ajo të kthehej në shtëpi. Familjarët e tij jo vetëm që nuk e mbështetën, por e bija i është drejtuar revistës “Anabel” për të treguar versionin e saj të historisë, teksa pretendon që në emision është njollosur emri i nënës, dhe është ofenduar nga njerëz që nuk e njohin.
Siç duket, fjalët e vajzës nuk kanë qenë të duhura për të, aq sa e ka gjetur të udhës që edhe ti kundërpërgjigjet. Përmes Revista Anabel- Facebook, Çelniku reagon për të hedhur poshtë fjalët e së bijës. Ai thotë ndër të tjera në letër se ai iu drejtua emisionit për të ribashkuar familjen. Sipas tij, vajza ka qenë shkaktarja që familja të mos përparojë. E ndërsa për djalin, mendon se ka rënë viktimë e së motrës së tij dhe së emës, që ia kanë mbushur mendjen të mos qëndrojë pranë të atit.
“Unë quhem Çelnik Vreshta. Jam personazhi i emisionit “Dua të të bëj të lumtur”. Jam nga Korça. Dua t’ju sqaroj fjalët e sime bije. Nuk janë fare të vërteta, ajo kërkon që të njollosë emrin e babait të saj. Sepse ajo aq shkollë ka, dhe aq thotë. Nuk e di përse i thotë ato fjalë të pavërteta, sepse unë në atë emisionin vajta për të ribashkuar familjen, dhe nuk vajta për arsyen që të bëja të ligë as bashkëshorten dhe as fëmijët.
Vajta për të thënë një të vërtetë, që puna të shkonte mirë. Por vajza ime gjithmonë ka qenë shkaktarja që kjo familje të mos bëjë përpara, por është mësuar që të hajë krahët e babait e të nënës së vetë, duke i shkaktuar edhe migrenë me kërkesat dhe ligësitë e saj.
Përsa i përket djalit, është një adoleshent, i cili nuk ka faj dhe nuk ka ligesinë e të motrës, por thjesht ai ndjek hapat e mamasë dhe të motrës, që këto të dyja përfitojnë nga urtësia e tij. Faleminderit për mirëkuptimin”.
