Dje Ministria e Shëndetësisë ka vendosur të mbyllë të gjitha lokalet e natës. Me vendimin e ri të qeverisë, do të ndalohen të gjithë klubet e natës, lounge baret dhe çdo lloj shërbimi i kësaj natyre në mjedis të mbyllur apo të hapur, përveç restoranteve.
Po ashtu, Ministria e Shëndetësisë ka njoftuar dje se vendimi i ri i qeverisë për masat anti-Covid, ka vendosur që të ndalojë muzikën pas orës 20:00 në të gjithë mjediset e shërbimeve të çfarëdo lloji.
Lidhur me këtë vendim, reagimet kanë qenë të shumta, kryesisht nga bota e artistëve. Me këtë vendim është tallur edhe aktori i humorit, Florjan Binaj. Ai ironizon kur thotë se një studim ka gjetur se Covid-19 transmetohet përmes notave muzikore.
