E shtunë, 23 Janar, 2021
9 C
Tirana

“Balena Blu” ndërron vetëm emrin, rreziku nga bota virtuale do të jetë i përhershëm

Nga: Marsi Simo (Sociologe)

Ka vetëm pak ditë ku është bërë një njoftim nga policia në lidhje me një lojë virtuale me emrin Jonathan Galindo. Kjo lojë bëhet nga persona keqdashës që fshihen pas identiteteve që vetë krijojnë, për tu dukur sa më të veçantë dhe tërheqës.

Qëllimi i tyre është të fusin fëmijët, apo dhe mosha të tjera, nën kthetrat e pasojave negative për shëndetin mendor. Mund të nisi si një shaka e thjeshtë e deri me kërkesa specifike (veprime ku viktimës i kërkohet të dhunojë veten ose të vetëvritet) që ka administruesi i kësaj loje.

Ajo që e përkeqëson situatën është se persona të tjerë të cilët nuk janë nismëtarët e kësaj loje, po e vazhdojnë këtë veprim dashakeq, duke u hequr si personazhi i përmendur, me qëllim për të vënë në lojë të tjerët.

Dhe këta persona mund të jenë të huaj por edhe vendas. Mjafton të hapni instagram-in dhe të klikoni emrin “Jonathan Galindo” dhe gjeni pafund profile të tilla. Ndoshta shumë kush në një moshë të rritur e kupton se një person i tillë nuk mund të merret seriozisht, por fëmijët mund të tërhiqen dhe të bien preh e talljeve apo ngacmimeve të kësaj loje të shëmtuar.

Por Jonathan Galindo nuk është i vetëm.

Nëse shkojmë prapa në kohë, në shkurt të vitit 2019 prindërit u lajmëruan për një lojë të rrezikshme e cila iu dilte fëmijëve të tyre përmes youtube me emrin “Sfida Momo”. Karakteri “Momo”, tregonte fytyrën e një kukulle, ndërpriste filmin dhe kërcënonte shikuesin të kontaktonte menjëherë një numër në whatsapp. Disa prindër në atë kohë (bëhet fjalë për denoncimet e prindërve në Angli, aty ku dhe u përhap më shumë kjo lojë) treguan se fëmijët e tyre iu ishte thënë se do të “mbyten në gjumë” nëse nuk do të kontaktonin “Momo-n”.

Në disa raste të tjera, llogaria mund të kërcënonte shikuesin të jepte një foto ose informacion personal, duke paralajmëruar për një “mallkim” nga “Momo”.

Po ashtu në korrik të vitit 2017 u përhap loja e rrezikshme “Balena Blu” e cila u bë edhe më e njohur gjerësisht, pasi pati edhe viktima të shumtë.

“Balena blu” ka mundur të qarkullojë me lehtësi me anë të rrjeteve sociale duke përfshirë shumë shtete, dhe u mori jetën më shumë se 150 të rinjve. Edhe kjo lojë virtuale kishte si qëllim orientimin e viktimës drejt lojërave të rrezikshme deri në vetëvrasje.

Pavarësisht se këto lojëra bëjnë bumin e tyre për një kohë të caktuar, pushojnë së ekzistuari në momentin kur shtohen denoncimet. Mos harrojmë që ende qarkullojnë nëpër rrjet qindra lojëra me përmbajtje dhune, të cilat janë lehtësisht të aksesueshme nga fëmijët apo mosha të ndryshme.

Madje nuk është bërë asnjëherë publike, që ndër këto videolojëra ka dhe nga ato të cilat i mësojnë fëmijëve përdhunimin. Këto lojëra kanë imazhe pothuajse reale duke vendosur opsione sesi mund të kryhet përdhunimi, duke përdorur forcën dhe dhunën.

Le të përmendim edhe një tjetër lojë nga ato që sjellin dëme të mëdha psikologjike, si ajo e krijuar në vitin 2008 “Masakra e myslimanëve” e cila kishte për qëllim dhunimin e personave që besonin në këtë fe.

Në këtë mënyrë duhet kuptuar se duhet ngritur alarmi nga çdo prind, në mënyrë që të shtojë dozën e komunikimit për t`i shpjeguar fëmijës çdo fenomen si një formë parandaluese.

  • Prezenca e të rriturit gjatë kohës kur të vegjlit janë në orarin e lundrimit në internet.
  • Edukimi i fëmijëve mbi rëndësinë e mos dhënies së informacionit personal për të huajt.
  • Sigurohuni që fëmijët të dinë se askush nuk ka të drejtë t’i bëjë ata të bëjnë ndonjë gjë që nuk duan të bëjnë.
  • Përdorni celularë me aplikacione që kontrollojnë përmbajtjet e pasigurta. /Tirana Today

 

- Reklama -

Më shumë nga kategoria




Të fundit

E trishtë/ Ndërron jetë në moshën 35-vjeçare ish-sulmuesi

Ish-sulmuesi xhamajkan, Luton Shelton ka ndërruar jetë në moshën 35-vjeçare, për shkak të një sëmundje. Shelton ishte diagnostikuar në vitin 2018 me sëmundjen “ALS”, e...

Berlini përgatitet për konsultime me administratën Biden

Lehtësimi i jashtëzakonshëm u shpreh në Gjermani që kur Joe Bideni i fitoi zgjedhjet presidenciale. Kurse të mërkurën (20.01.), kancelarja Angela Merkel i shkroi...

Samsung u ngrit si një dyqan që shiste perime, dhe kuriozitete që nuk i dinit

Sistemi ligjor i Japonisë ka një normë dënimi prej 99 për qind. Peshkimi mbetet profesioni i dytë më i rrezikshëm i Shteteve të Bashkuara, pas...

Analisti: Basha do ketë Tiranën, ja kush do jetë drejtuesi i PD në Gjirokastër

Partia Demokratike ka emëruar drejtuesit politik në pjesën më të madhe të qarqeve, ndërkohë që janë ende për t’u zbuluar se cilët do të...

A do jetë sërish kandidat për deputet? Ja si përgjigjet Ervin Salianji

Ervin Salianji është shprehur se ekziston mundësia që ai të jetë kandidat për deputet në listën e Partisë Demokratike. I ftuar në “Zonë e lirë”,...