Maqedonia e Veriut ka regjistruar 137 raste të reja me koronavirus në 24 orët e fundit. Kështu shkon në 9,547 numri total i rasteve të konfirmuara me COVID-19 në vendin fqinj.
Numri më i madh i rasteve të reja është regjistruar në Shkup-64 raste, Shtip-19 raste si dhe në Strugë 14 raste. Qytetet tjera kanë më pak se 10 të infektuar.
Sipas autoriteteve vendase, gjatë 24 orëve të fundit janë shënuar 10 viktima nga koronavirusi. Kujtojmë se ditën e djeshme nuk u shënua asnjë viktimë nga COVID-19 brenda ditës, ndërsa sot numri është mjaft i lartë.
Deri më tani, në Maqedoninë e Veriut kanë humbur jetën 442 persona nga koronavirusi.
Në 24 orët e fundit janë shëruar edhe 131 pacientë, duke e çuar në 5071 numrin e të shëruarve në total.
Pesë viktima janë nga Shkupi, 2 nga Kumanova, 1 nga Tetova, 1 nga Radovishi dhe 1 nga Gostivari.
