Kryeministri Edi Rama, sot ndjehet shumë krenar për takimin me presidentin e SHBA-ve, Donald Trump, por të gjithë e kujtojnë mirë se deri dje nuk ishte kështu.
Rama postoi sot në rrjetet sociale “Facebook” dhe Instagram foto dhe një video të shkurtër ku duket se bisedon me Trump duke i shpjeguar atij diçka. Në “Facebook” Rama shkruan “Photo of the Day”, e cila në shqip përkthehet fotoja e ditës.
Trump është ulur në karrige ndërsa Rama i flet. Presidenti amerikan pohon lehtas me kokë në video. Në krah të Ramës është edhe sekretari amerikan i shtetit, Mike Pompeo, që dëgjon bisedën mes dy liderëve.
Por të gjithë e kujtojnë kohën kur Rama nuk ishte aspak miqësor ndaj Trump. Kujtojmë se kryeministri ynë e ka sulmuar disa herë kur Trump ishte kandidati republikan për president të SHBA-ve.
Rama në një intervistë për gazetarin Mustafa Nano deklaron sedo të ishte fatkeqësi e madhe për amerikanët nëse Trump do të zgjidhej presidenti i tyre. Por sot Rama i përulet Trump dhe është gati t’i puthë duart.
Deklarata e tij e famshme në CNN që zoti të shpëtojë Amerikën nëse Trump bëhet President shkaktoi jo pak zhurme në Amerikë sepse ishte hera e pare që një kryeministër ishte kaq jo diplomatik duke u deklaruar hapur kundër një kandidati për President të SHBA-ve. TIRANA TODAY
