Një koment i këngëtarit Ermal Fejzullahu ka bërë bujë, duke sjellë reagime të shumta. Bëhet fjalë për një koment në foton e Faton Shoshit, i cili është konsideruar si racist.
“Thuj let kesh pak se s’po dihet qka është!”, shkaktoi menjëherë reagime të shumta nga ndjekësit, të cilët e konsideronin shkrimin si racist ndaj Këshilltarit dhe Ndihmësit Personal të Presidentit të Gambias.
Ndër këto reagime, ka qenë edhe ai i blogerit Olti Curri, i cili e ka ironizuar këngëtarin.
“Ça po më shohin sytë. Ermal Fejzullahu, djali bjond i suedezit bardhosh dhe sykaltër Sabri Fejzullahu, bën batutë për ngjyrën e errët të lëkurës dikujt! Tani ka mbetur të komentoj unë të shëndoshët: o bol …”, shkruan Curri duke kritikuar këngëtarin shqiptar.
Ky i fundit ka vendosur që të reagojë në lidhje me këtë postim, ku lë të kuptohet se komenti kishte të bënte me qëndrimin në fjalë të personit në foto dhe aspak me ngjyrën e tij.
“Të kuptuarit e batutave është një aftësi në vete! Përpiqu të kuptosh se ngjyra e lëkurës, në të cilën ti vë theks, asnjëherë nuk është batutë, është racizëm. Unë racist nuk kam qenë ndonjëherë. Që të jesh më afër kapjes së batutës shiko qëndrimin e protagonistëve në foto!”, komenton Ermali në postimin e Currit.
