Koronavirusi ka shënuar një ditë të zezë edhe në Britani!
Autoritetet përkatëse raportojnë se brenda 24 orëve kanë ndërruar jetë 563 persona si pasojë e COVID-19.
Ky është numri më i lartë i viktimave për vendin në një ditë, që prej shpërthimit të pandemisë.
Në Britani deri më tani janë testuar 152,979 persona nga të cilët 29,474 kanë rezultuar pozitivë.
COVID-19 ka shkaktuar 2,352 viktima në Mbretërinë e Bashkuar.
Qeveria është përballur me shumë kritika sa i përket numrit të testimeve të kryera në një ditë krahasuar me vendet e tjera europiane.
Si përgjigje ndaj kësaj, qeveria ka vendosur që të kryejë 25 mijë testime në ditë.
Kujtojmë se Italia, Spanja dhe SHBA janë ndër vendet ku situata paraqitet më kritike për shkak të virusit të rrezikshëm, për të cilin ende nuk është gjetur një vaksinë.
