Kryeministri Edi Rama ka bërë publike sot disa shifra zyrtare dhe fakte nga puna e bërë në fsat.
Përmes një postimi në Facebook, Rama tha se edhe pse këtë vit ndodhemi në një situat të jashtëzakonshme, eksportet e prodhimeve bujqësore për muajin mars janë rritur me 20% në krahasim me një vit më parë.
Sipas tij, edhe periudha e tre-mujorit të parë të këtij vitit ka shënuar rritje në krahasim me atë të vitit të mëparshëm.
Kreu i qeverisë theksoi se fermerët dhe blegtorët do të vijojnë punën normalisht, duke iu përshtatur me vetëdije e këmbëngulje, masat individuale mbrojtëse ndaj koronavirusit.
Postimi i plotë:
🔴 SHIFRA ZYRTARE DHE FAKTE NGA PUNA NË FSHAT
🔴 Edhe pse në një situatë të jashtëzakonshme aktiviteti në sektorin bujqësor vijon, madje sipas të dhënave zyrtare nga Drejtoria e Doganave, vetëm gjatë muajit mars 2020 kemi 18% më shumë eksporte të prodhimeve bujqësore krahasur me marsin 2019.
🔴 Edhe tre muajt e parë të këtij viti janë me rritje krahasur me të njëjtën periudhë të vitit të shkuar.
🔴 Askush nuk e parashikon dot se sa do të zgjasë lufta. Deri tani, falë punës së admirueshme në fshat, ku edhe rreziku është i ulët dhe lejeve të punës për zinxhirin e aktivitetit prodhues, grumbullues e shpërndarës, konstatojmë me gëzim se qëndrueshmërinë e sektorit në tërësi – ndonëse ka një çekuilibrim të tregut për disa produkte të caktuara që mbetet një problem i krijuar nga lufta.
🔴 Fermerët dhe blegtorët do të vijojnë punën normalisht, duke iu përshtatur me vetëdije e këmbëngulje, masat individuale mbrojtëse ndaj armikut.
