Ditë më parë, aktori Rezart Veleshnja ka rënë pre e një grabitje. Burime nga “Prapaskena” bëjnë me dije se Rezart Veleshnja është goditur në befasi pranë një bankomati nga një grup personash, në një nga zonat më të populluara të Tiranës.
Sipas referimit në prokurori, aktori i njohur i humorit, Rezart Veleshnja, i njohur për rolet në “Portokalli”, është goditur sapo ka tërhequr një shumë të hollash nga bankomati. Pas goditjes, personi i cili mbështetej edhe nga disa të tjerë, i ka futur dorën në xhep, duke i marrë paratë.
Si pasojë e sulmit, ai ka pësuar dëmtime deri në një shkallë të rëndë, në disa pjesë të trupit.
Nga ana e saj, policia, pas një punë intensive hetimore, ka arritur të zbulojë grabitësit, duke i arrestuar.
Grupi ruante qytetarë të ndryshëm kur tërhiqnin para nga banka, duke u marrë paratë me dhunë. Autorët tashmë rrezikojnë nga 5 deri në 15 vite burg.