Forcat e Ndërhyrjes së Shpejtë janë duke zhvilluar një aksion në kryeqytet. Prokuroria e Krujës ka lëshuar 4 urdhër-ndalime, ku 2 prej tyre janë persona që dyshohet se janë të përfshirë në grabitjen dhe dhunimin e biznesmenit Nazmi Çangu.
Burimet bëjnë me dije se deri tani është vënë në pranga një person. Arrestimet vijnë pas dhunimit në banesë të biznesmenit Nazmi Çangu.
Biznesmeni Nazmi Çangu nga Nikla, është i njohur për aktivitetin në fushën e mobilierisë. Në dëshminë e parë dhënë për mediat, biznesmeni u shpreh se grabitësit e lidhën dhe e dhunuan. “Më kanë prerë gishtin me gërshërë”, tha ai duke shtuar se “njëri nga autorët ishte më uniformë policie”.
Dinamika e ngjarjes
Nazim Çungu së bashku me gruan dhe fëmijët kanë qenë në një darkë familjare, dhe janë kthyer në banesë në orën 23:00 të natës. Pasi kanë rënë për të fjetur, rreth orës 01:00 ata janë zgjuar nga grabitësit që i kishin drejtuar automatikun në fytyrë. Tre prej grabitësve ruanin gruan dhe fëmijët në një dhomë të shtëpisë, ndërsa tre të tjerë dhunuan biznesmenin që të tregonte çelësin e kasafortës për të marrë paratë.
Në tentativë për të rezistuar, biznesmeni ka kafshuar një nga grabitësit në dorë, dhe në këmbë, por kjo i ka acaruar edhe më shumë ata duke e dhunuar. Pas dhunimit të biznesmenit, ata kanë marrë çelësin duke marrë më vete të gjitha paratë dhe sendet me vlerë dhe më pas janë larguar.
