Protesta e ditës së shtunë e thirrur nga opozita pati disa incidente, ku protestuesit tentuan të çajnë kordonin e policisë te Parlamenti. Situata agravoi më tepër ku u shkatërruan telat rrethues dhe më pa u qëlluan efektivët e policisë me sende të forta. Si pasoj e kësaj përplasjeje tre policë përfunduan në spital me dëmtime të lehta, por edhe disa protestues, kryesisht nga përdorimi i gazit lotsjellës.
Policia e Tiranës menjëherë pas protestës ka analizuar pamjet nga protesta dhe ka filluar me arrestimin e agresorëve, ku deri tani numri i të ndaluarve është 14.
Sipas burimeve nga policia, protestuesit e akuzuar janë kapur nga kamerat e sigurisë duke kryer veprën penale për të cilën akuzohen.
Ndërkaq mësohet se grupi hetimor i ngritur për këtë rast po vijon analizimin e pamjeve filmike të siguruara nga kamerat e vendosura para parlamentit. Po kështu vijojnë shoqërimet dhe verifikimet edhe nga policitë në qarqe.
Ndërkohë burime nga policia bëjnë me dije se ish-deputeti i PD Luan Baçi dhe i biri po hetohen në gjendje të lirë.
