Ish-deputetja e Partisë Demokratike Nada Meçoparaj ka akuzuar policinë e shtetit se ka shkelur ligjin. Me anë të një video të shpërndarë në Facebook, ajo shprehet se forca të shumta policie kanë ndërhyrë në një sipërmarrje në Sarandë. Ngjarja ka ndodhur në orët e para të mëngjesit të sotëm. Sipas ish-deputetes, policia ka shkuar pa asnjë urdhër apo vendim nga gjykata.
Në video dëgjohet teksa një nga qytetarët i kërkojnë informacione policisë se për çfarë kanë shkuar. Dhe përgjigjja e vetme e një efektivi është se kanë shkuar për të zbatuar vendimin për të boshatisur plazhet e paligjshme. Por, kur qytetari i kërkon të shohë vendimin, policia i kërkon të largohet familjarëve.
Sipas ish-deputetes, pas ndërhyrjes me forcë të policisë, disa prej familjarëve janë lënduar dhe kanë shkuar në spital.
Postimi i plotë
Ora 4.30 e mengjesit. Pa nje vendim institucional. Me forca te shumta policore. Kjo eshte nderhyrja brutale e banditeve te veshur me uniforme kunder njerezve punetore dhe sipermarresve ne Sarande, ne kulmin e sezonit turistik.
Familjaret njoftojne se ka te plagosur dhe te shtruar ne spital pas nderhyrjes me force te policise. Sic do shikoni ne video kunder kembenguljes se pronareve se do te terhiqen por duan te shohin nje vendim.
Naten pa pritur nje vendim gjykate, sepse keta jane edhe gjykata edhe policia. Sepse keta jane Harbute dhe Hajdute!
