Pamjet filmike të siguruara nga një biznes, do bëjnë të mundur zbardhjen në kohë reale të ngjarjes së ndodhur mëngjesin e sotëm në Durrës, lidhur me hedhjen në erë të një mjeti.
Policia njoftoi pak më herët se është tentuar të dëmtohet me lëndë djegëse mjeti tip “Reno”, në pronësi të shtetasit me inicialet A.C.
Por kjo ngjarje ka marrë një tjetër rrjedhë, pasi kamera e sigurisë së një biznesi pranë ka konstatuar autorin, raporton “abcnews.al”. Autori është një djalë i ri me kapele në kokë dhe që ecte me biçikletë. Autori në ecje e sipër është filmuar duke hedhur lëndën plasëse poshtë makinës.
Policia po analizon pamjet filmike të siguruara, për të identifikuar autorin dhe për të hedhur dritë mbi ngjarjen. Po kështu do të merren në pyetje edhe dy shoferët e makinave të parkuara aty pranë.
