Kryeministri Edi Rama ka dhënë disa porosi në prag të Kongresit të Partisë Socialiste që mbahet në 23 mars.
Gjatë mbledhjes së grupit parlamentar, Rama u ka kërkuar deputetëve dhe ministrave që të sigurojnë pjesëmarrje masive në Kongres, si dhe ka kërkuar që në seancat parlamentare të flasin të gjithë deputetët, praktikë kjo e ndjekur edhe në seancën e fundit.
“Jemi në normalitet parlamentar. Në seanca duhet të flasin të gjithë deputetët. Të nisin diskutimet për kandidatët për këshillat bashkiakë si dhe diskutimet në bashki”- ka thënë Rama.
Pavarësisht protestave, Rama ka thënë se pavarësisht protestave të opozitës, vendi ndodhet në normalitet parlamentar dhe kërkoi nga deputetët të nisin diskutimet në bashki në kuadër të zgjedhjeve lokale të qershorit.
Sa i takon Kongresit, mësohet se Rama ka ftuar edhe ish-kryeministrat socialistë ndër vite, mes tyre Fatos Nano.
Kongresi do të nisë punimet në orën 10:00 tek Pallati i Kongreseve dhe do të jetë i ndarë në 3 sesione, ndërsa fjalën kryesore do ta mbajë kryeministri Edi Rama, njëherësh kryetar i partisë.
Ftesë për të mbajtur fjalë i është bërë edhe ish kryeministrit Fatos Nano.
