Lëkundjet e tërmetit nuk kanë të ndalur në vendin tonë. Pas atij një ditë më parë në Durrës me magnitudë 3.6 të shkallës Rihter, lëkundjet sizmike janë ndjerë sot në Elbasan dhe Tiranë.
Dy tërmete me hapësirë disa minuta nga njëri-tjetri, kanë lëkundur Elbasanin. Referuar agjensisë ESMC, tëmetet janë të shkallës 3.1 dhe 4.6 Rihter.
Lëkundjet e tërmetit janë ndjerë edhe në qytete të tjera, përfshirë Tiranën. Deri më tani nuk raportohet për dëme materiale.
Që prej tërmetit tragjik të 26 nëntorit të kaluar, lëkundjet sizmike kanë qenë të herëpashershme, por jo shumë të forta.
Në tërmetin e 26 nëntorit të 2019, humbën jetën 51 persona dhe u shkatërruan me mijëra ndërtesa.
