Kërcënimit të Stresit, iu përgjigj sot kryeministri Rama, ku tha se ta harrojnë për të dhënë dorëheqjen Drejtori i Përgjithshëm i Policisë së Shtetit, Ardi Veliu.
Një ditë më parë, reperi Stresi kërcënoi Ardi Veliun, se nëse nuk jepte dorëheqjen deri ditën e dielë, do të digjej Tirana. Madje ai nuk e la me kaq, pasi shkruante se do të shkonte në Surrel nëse donin.
Kjo deklaratë e bujshme është diskutuar në emisionin “Shqipëria Live”. Në një lidhje “Skype” nga Gjermania, Inida Kreuz e njohur nga të gjithë si Zhaku, tha se e mbështet Stresin. Ajo u shpreh se çfarë po ndodh, është një shenjë revolte.
“Stresi është si shpirt. Edhe unë kam bërë një deklaratë të fortë. A do të thotë se unë jam kriminele? E gjithë kjo është në shenjë revolte. Ata fëmijë që i ka marrë policia, janë të lindur në tranzicion, dhe pa të ardhura”, tha Zhaku.
