Deputeti që pranoi mandatin, Ralf Gjoni nga listat e LSI, ka lëshuar disa akuza ndaj Monika Kryemadhit se ka marrë peng LSI-në.
Sipas Gjonit, ai vazhdon të jetë anëtar i LSI-së, pasi ende nuk ka marrë një njoftim në rrugë zyrtare për përjashtimin e tij.
Deputeti shprehet se nuk ka asnjë lloj dëshire për t’u hakmarrë ndaj LSI-së, ndonëse partia në fjalë është kapur peng, sipas tij, nga një ‘marrëzi momentale’.
“Unë jam anëtar i LSI-së dhe jam pjesë e komitetit drejtues i LSI-së, nuk jam njoftuar akoma zyrtarisht nëse jam përjashtuar nga LSI-ja, vetëm kam parë që përjashtimi është lakuar nga disa media. Nuk kam hakmarrje ndaj LSI-së, kam vetëm dashuri dhe miqësi në LSI. Aktualisht ajo parti është kapur peng nga një marrëzi momentale. Pse kështu do shkojmë në Evropë ne? Unë jam për një integrim jo për çizme, jo për bojë dhe jo për dhunë”, deklaroi Gjoni.
