Kryeministri Edi Rama nga selia rozë ka prezantuar sot platformën më të re që mban emrin “Deputeti që duam”. Kreu i qeverisë i ka bërë thirrje qytetarëve që ti bashkohen Partisë Socialiste. Kjo ftesë e hapur vjen për të gjithë ata që kanë ambicie dhe kurajo që të hyjmë në zgjedhjet e 25 prillit, si pjestarë të skuadrës së tyre. Por si do të veprohet? Rama tha se do të kenë të gjithë një adresë online ku do të çojnë një video, ku do të shprehin arsyet pse duan të bëhen pjesë.
Kreu i PS-së deklaroi se kush ka dëshirë të konkurrojë për kandidat për deputet të PS-së, mund ta bëjë këtë gjë përmes kësaj platforme.
“Ftesë e hapur për të gjithë ata që kanë ambicie, kurajo, të hyjnë në fushatën e 25 prillit si pjesëtarë të skuadrës sonë. Ne i kemi praktikisht të miratuar kriteret në asamblenë kombëtare.
Do të kenë të gjithë një adresë online ku do të çojnë një video, ku do të shprehin arsyet pse duan të bëhen pjesë, dhe pak dokumente të tjera, një CV personale dhe një letër angazhuese.
Ne do të mbledhim të gjitha shprehjet e interesit, që do të vijnë nga të gjitha rrugët e jetës. Do të presim të rinj dhe të reja, jo vetëm në moshë, por edhe në ide”, u shpreh Rama. Kjo është një nga tre fazat ku do të kalojnë socialistët, për të qënë pjesë e listave në zgjedhjet e 25 prillit.
