Deputeti demokrat Samir Korreshi, është bërë pjesë e protestës së fermerëve të Lushnjës para Kuvendit. Në një prononcim për mediat, Korreshi u shpreh se serat janë mbjellë me hashash, dhe fermerët nuk kanë marrë asnjë lekë nga qeveria.
Ai ironizoi edhe Ramën që flet për satelitët, ndërsa një tjetër realitet i hidhur është në fshat, ku as traktorët nuk ndizen. Korreshi shfaqi dy realitete, ku në një anë flitet për satelitët dhe nga ana tjetër për fermerët që nuk marrin as kostot e fidanëve që janë mbjellë.
“Këta fermerë kanë nevojë për jehonë. Kaq e zorshme është për të dëgjuar këta?! Z.Rama të nxirrte 10 specialistë që rrojnë nga taksat e këtyre. Të bëhet një plan që këta të dinë ku janë, që të dijnë të mbjellin këtë vit apo jo.
Ne po shkojmë te satelitët, ndërkohë që kemi traktorët që nuk po ndizen. Këta nuk marrin as kostot e fidanëve që janë mbjellë.
I luten Zotit të dalin jek e jek. Shalqini ju kalb. Kjo qeveri nuk çoi një grup atje. Këtu asnjë lekë se këtu i kanë marrë vetëm oligarkët, kanë bërë sera atje dhe i kanë lënë bosh. Po i mbjelin me hashash e këta zotërinjtë këtu s’kanë marrë asnjë lekë. Më thuaj kujt nga këta fermerë kjo qeveri i ka dhënë lekë për plasmasin?!“, u shpreh deputeti i PD-së.
