E diel, 28 Nëntor, 2021
13.5 C
Tirana

Akt terrorist apo gabim njerëzor? 44 viktima, 1 i mbijetuar është zhdukur

Aksidenti në Bullgari ka marrë një tjetër rrjedhë, me shumë enigma. Mediat bullgare aluduan se në autobus po transportohej benzinë ose naftë, ndaj dhe ka patur shpërthim të madh. Por tashmë janë hetuesit të cilët e hedhin poshtë këtë version.

Fillimisht u tha se ishin 46 trupa të djegur e më pas 45. Po zëvendëskryeprokurori i Bullgarisë, Borislav Sarafov, ka konfirmuar se bëhet fjalë për 44 viktima dhe 7 persona që po marrin ndihmën e duhur shëndetësore. Borislav Sarafov, në konferencën e parë për shtyp pas tragjedisë në Strumë, deklaroi se në autobus janë gjetur 44 trupa të djegur dhe jo 45 siç është raportuar deri tani.

Ai po ashtu tha se sipas të mbijetuarve, ka pasur 8 persona që kanë shpëtuar, kurse në spital janë duke u kuruar vetëm 7 të lënduar. Pyetja që parashtrojnë specialistët është: Ku ndodhet personi i tetë?

“Janë gjetur 44 trupa të djegur. Sipas të mbijetuarve ka pasur 8 të mbijetuar, kurse në spital janë duke u kuruar vetëm 7 të lënduar”, tha ai.

“Fillimisht janë marrë në pyetje dy nga pasagjerët e autobusit, të cilët ishin zgjuar në momentin e aksidentit. Të dy japin informacion objektiv, shqyrtohen individualisht dhe deklaratat e tyre përputhen. Prandaj ne i konsiderojmë ato si jashtëzakonisht të sakta. Dy të tjerë që janë në spital, sot do të merren në pyetje”, tha Sarafov.

“Matematika është e thjeshtë, që kemi të dhëna se në autobus ishin 52 pasagjerë. Ne gjetëm 44 kufoma, 7 persona, 4 burra dhe 3 gra u shtruan në spital. Enigma e madhe mbetet – ku është personi i 8? Ne punojmë sipas atij versioni, nuk duam të ngatërrojmë publikun. “Mund të jetë edhe një deklaratë e papërshtatshme nga një dëshmitar okular”, shtoi zëdhënësja Siika Mileva.

Siç shpjegoi ajo, një nga të mbijetuarit deklaroi me bindje se nga autobusi ishin shpëtuar 8 persona.

Lexo edhe :   Aksidenti tragjik/Bullgaria do dëmshpërblejë të afërmit e viktimave

Sarafov tha se ekziston mundësia që njëri nga pasagjerët e autobusit, të ketë kaluar tek një nga tre autobusët e tjerë që ishin me atë të djegur.

“Për momentin është një enigmë për ne, por do të jetë objekt hetimi”, tha Sarafov.

Ai tha po ashtu se informacionet fillestare tregojnë se ndoshta ka qenë një gabim njerëzor, që është shkaktuar nga shenjat e papërshtatshme në autostradë.

“Bankina në të cilën është përplasur autobusi, jo vetëm që është e panevojshme, por edhe e rrezikshme. Nuk ka pasur shpërthim, por ajo që kanë dëgjuar ata që kanë qenë aty pranë është përplasja, përplasja e fortë e autobusit në trotuarin në anën e djathtë, që thashë se nuk e ka vendin aty. Nuk ka pasur shpërthim,” tha Sarafov.

Lexo edhe :   Aksidenti tragjik/Bullgaria do dëmshpërblejë të afërmit e viktimave

Po ashtu, hetuesit bullgarë i hodhën poshtë spekulimet se autobus po transportohej benzinë ose naftë.

“Po përhapen informacione se në autobus po transportoheshin derivate të karburantit, benzinës dhe dizelit dhe se këto kanë qenë arsyet e zjarrit. Ai version është hetuar, por kategorikisht e hedhim poshtë si të pabazë. Tre bidonë u gjetën në vend, që përmbanin vetëm mbetje vaji. Nuk ishin të mbushur dhe as të djegur. Rrjedhimisht, zjarri nuk është shkaktuar nga ata”, tha Sarafov.

Shkaqet e aksidentit ku humbën jetën 44 shqiptarë të Maqedonisë së Veriut në Bullgari janë ende të pazbardhura, ndërkohë që po hetohet në disa pista.

Media bullgare  ’24 casa’ shkruan në faqen e saj të parë ‘E marta e zezë, 45 viktima për naftë më të lirë’, dukë lënë të kuptohet se shkaku kryesor i aksidentit është transportimi i karburantit shtesë me autobus. Hetuesit i thanë gazetës se janë gjetur disa mbetje nafte, por mbetet për t’u parë si ka shpërthyer.

- Reklama -

Më shumë nga kategoria




Të fundit

Masakrimi i masakrës

Nga: Luçiano Boçi  Kur ndodh një krim, gjëja kryesore që bëjnë autorët është djegia e mjeteve me të cilat kryhet krimi. Pra asgjësohet vetë krimi....

I ndaloi keçapin lojtarëve, kompania nuk ia përton Antonio Kontes

Emërimi i Antonio Kontes në krye të Totenhemit, solli ndryshime në klub. Tekniku i dha një vemendje të veçantë ushqimeve që konsumonin lojtarët, të...

FORMULA 1/ Presidenti ‘tradhton’ Shumakerin: S’është më i miri i historisë

Presidenti i FIA-s i ka befasuar të gjithë, duke mos e kurorëzuar si më të mirin ish-pilotin e tij në kohën e Ferrarit. Zhan...

Skandali me pagesat e UEFA-s, FSHF publikon “provat” e gabuara

Federata Shqiptare e Futbollit ka dalë sot me një tjetër qëndrim zyrtar rreth çështjes së skandalit të shpërndarjes së fondeve të UEFA-s, në mënyrë...

Kreu zbulime që e revolucionarizuan shkencën: Kush ishte Galileo Galilei

Në cilësinë e ”babait” themelues në fushën e fizikës dhe astronomisë, Galileo Galilei është i njohur për kontribute të panumërta në shkencë. Mendimtari italian,...