Drejtori i Sistemit Informatik të Tatimeve ka dhënë dorëheqjen, dhe është vendosur në dispozicion të hetimeve, pas skandalit të publikimit të pagave.
Sot skandali është thelluar me publikimin e një databaze me targat e makinave të shqiptarëve. Të dhënat personale që publikohen janë tipi i makinës dhe targa e saj.
Ende nuk ka informacione nëse këto të dhëna kanë dalë nga i njëjti server nga ku kanë dalë dy databaza të mëparshme, që kanë të bëjnë me pagat dhe numrat e telefonit. Tre ditë më parë opinioni publik u njoh me të dhënat e 630 mijë qytetarëve, si karta ID dhe pagat, për muajin janar.
Dje u publikua një databazë e dytë me të dhënat e 695 mijë qytetarëve, që ndryshe nga e para kishte 60 mijë emra më shumë dhe numrat e telefonit.
