Ministrja për Shtetin dhe Marrëdhëniet me Parlamentin, Elisa Spiropali, është ndalur në ‘kërcënimin’ e fundit që bëri presidenti Meta. Ajo është e mendimit se askush nuk është i pazëvendësueshëm.
“Askush nuk është i pazëvendësueshëm, të gjithë janë të nevojshëm por nuk janë të pazëvendësueshëm. Meta është President i Republikës dhe për ne do të vazhdojë të jetë President i Republikës. Pastaj të tjerat janë zgjedhje të tij, nuk komentojmë mbi zgjedhjet e Presidentit”, ka thënë Spiropali në RTV “Ora News”.
Pak ditë më parë, presidenti Ilir Meta u shpreh se për të zgjidhur krizën politike në vend, ishte i gatshëm që jo vetëm të linte mandatin, por dhe të sakrifikonte jetën e tij.
