Përgjatë një deklarate për “Zërin e Amerikës”, Departamenti Amerikan i Shtetit ka pohuar se përkrah dialogun mes Serbisë dhe Kosovës.
Në deklaratën me shkrim theksohet se “Beogradi dhe Prishtina duhet të largojnë pengesat, t’i shmangin provokimet dhe t’u kthehen bisedimeve”.
“Ne jemi të gatshëm që t’i dëgjojmë dhe ndihmojmë të dyja palët dhe BE-në, si ndërmjetësues, që të gjejnë zgjidhje, për të cilën do të pajtohen të gjithë”, shkruhet ndër të tjera në deklaratën në fjalë.
Nga ana tjetër, senatori Ron Johnson, kryesues i nënkëshillit për Evropë dhe bashkëpunim për siguri rajonale në Këshillin e Senatit për Punë të Jashtme, ka thënë se: “Arritja sa më parë e marrëveshjes, do t’i kontribuonte stabilitetit të Serbisë, Kosovës dhe gjithë rajonit. Shpresoj që liderët në Beograd dhe Prishtinë të takohen së shpejti, të vazhdojnë bisedimet dhe të vazhdojnë të punojnë për arritjen e marrëveshjes”.
