Kolumbia
Kostoja mesatare ditore: 28 dollarë për person. Vend ka imazhin e keq, si pasojë e luftërave të pafundme mbi drogën. Por vitet e fundit situata e rendit është përmirësuar, dhe Kolumbia është shndërruar në një vend idilik për turistët që dëshirojnë një ekuilibër të përsosur, midis bukurisë urbane dhe rurale.
Kamboxhia
Kostoja mesatare ditore: 34 dollarë për person. Monumentet e pabesueshme të natyrës, dhe monumentet e lashta pjesë e trashëgimisë botërore, ushqimi i shijshëm, dhe njerëzit mikpritës, e bëjnë këtë vend tepër tërheqës për turistët e huaj.
Shqipëria
Kostoja mesatare ditore: 47 dollarë për person. “Shqipëria meriton më shumë interes”- thonë Ellen dhe Ted Kortan nga uebsajti “Earth Vagabonds”. “Ne qëndruam disa javë, dhe mbetëm shumë të impresionuar nga vendi dikur i izoluar. Shqiptarët kishin një energji optimiste për të ardhmen e tyre. Çmimet ishin shumë të ulëta,”- theksuan ata.
Shqipëria është një vend kryesisht mysliman dhe ish-komunist në Ballkan. Ajo ka një bregdet të gjatë, dhe një numër vendesh që janë pjesë e Trashëgimisë Botërore të UNESKO-s. Kërkoni plazhe, pamje alpine apo ndonjë grimcë arkitekturore osmane? Shqipëria nuk do t’ju zhgënjejë.
Gjeorgjia
Kostoja mesatare ditore: 17 dollarë për person. E pozicionuar buzë Detit të Zi, në verilindje të Turqisë, Gjeorgjia ka të gjitha gjasat të jenë një nga itineraret kryesore të turizmit në botë, gjatë viteve të ardhshme. Kjo ish-republikë sovjetike, e shkatërruar nga lufta e vitit 2008 me Rusinë, po përqafon tashmë turizmin. Ajo ka gjithçka:disa nga peizazhet malore më të bukura në botë, një verë me famë botërore, ushqim të mirë, njerëz miqësorë, gra të bukura, një transport publik të shkëlqyer publik, dhe një histori interesante.
Nepali
Kostoja mesatare ditore: 25 dollarë për person. Nëse i doni malet, jetën e fshatit, tempuj e lashtë, atëherë Nepali ia vlen të jetë pjesë e pushimeve tuaja këtë vit.
Bolivi
Kostoja mesatare ditore: 27 dollarë për person. Bolivia ka një diversitet ta madh gjeografik dhe klimatik. Megjithatë, ajo mbetet relativisht e paeksploruar. Udhëtarët rekomandojnë eksplorimin e provincave të ndryshme të këtij vendi, dhe sidomos zonat rurale.
Armenia
Kostoja mesatare ditore: 19 dollarë për person. Armenia është një vend i vogël dhe pa dalje në det, mes Turqisë dhe Azerbajxhanit. Ka një terren kryesisht malor, por një histori të pasur, pasi është vendi i parë zyrtarisht i krishterë, i mbushur plot me manastire të lashta. Njerëzit janë mikpritës, dhe ushqimi është i mrekullueshëm.
Estonia
Kostoja mesatare ditore: 71 dollarë për person. Mund të duket e shtrenjtë në krahasim me destinacionet e tjera të kësaj liste, por nëse doni të vizitoni një qytet historik evropian, kryeqyteti i saj, Talini, është relativisht i përballueshëm.
Ai u ndërtua nga kalorësit teutonikë, dhe mbetet një nga lagjet mesjetare më të ruajtura në të gjithë Evropën. Përveç arkitekturës së saj të mrekullueshme, Estonia ka plazhe të mrekullueshme dhe ishuj të shumtë në bregdetin e saj në Baltik.
Argjentina
Kostoja mesatare ditore: 67 dollarë për person. Vendi kryesor për t’u shijuar, është kryeqyteti Buenos Aires. Aty mund të mësoni të kërceni tango, të merrni me qira një biçikletë, dhe eksploroni qytetin.
Filipinet
Kostoja mesatare ditore: 42 dollarë për person. Është një vend me ishuj përrallorë, një histori të pasur, një kuzhinë të shumëllojshme, dhe njerëz shumë miqësorë. Plazhet janë mbresëlënëse, uji është i pastër, dhe standardet e shërbimit janë të larta.
Turqi
Kostoja mesatare ditore: 29 për person. Turqia ka qenë gjithmonë një udhëkryq i botës, që nga koha kur Stambolli ishte ende Konstandinopoja. Aty ndodhen shumë relike historike dhe qytete të lashta për t’u vizituar, ku spikat qyteti greko-romak i Efesit, ose mbetjet e Trojës legjendare. Sigurisht, “xhevahiri” i Turqisë është Stambolli, shtëpia e shumë godinave historike, dëshmi e lavdisë së dikurshme të Perandorisë Bizantine dhe me pas asaj Otomane./ Tirana Today
