Shënjestra e atentatit të sotëm, Preng Gjini, aktualisht ndodhet në sallën e operacionit ku po i nënshtrohet një ndërhyrjeje kirurgjikale.
Drejtori i Spitalit të Traumës, Arben Zenelaj, tha për ABC News, se Gjini ka marrë plagë të shumta në gjymtyrë dhe ndodhet në gjendje kritike për jetën.
51-vjeçari ra pre e një atentati me tritol, teksa udhëtonte me automjetin e llojit Mercedez Benz në zonën “Vasil Shanto” në kryeqytet.
Si pasojë e atentatit kanë mbetur të plagosur edhe dy persona të tjerë, të cilët ndodheshin rastësisht pranë mjetit kur ndodhi ngjarja.
Ndërkohë janë publikuar edhe pamje të Preng Gjinit, në momentin pas shpërthimit. 51-vjeçari shihet i mbuluar në gjak dhe pa ndjenja.
