Deputeti Kujtim Gjuzi ka surprizuar sot në Kuvend, duke thënë se nuk ka COVID, por vetëm grip stinor. Gjuzi ka hapur me një kërkesë seancën e sotme në Kuvend, duke bërë një thirrje për interpelancë me dy prej ministrave të kabinetit të kryeministrit Edi Rama. Gjuzi kërkoi informacione nga ministrja Etilda Gjonaj dhe Sandër Lleshaj, ndërkohë që foli edhe për koronavirusin, gjë që shkaktoi përplasje me deputeten Milva Ekonomi. Ai u shpreh se do të bëjë kërkesë urgjente për interpelancë lidhur me naftëtarët, por sa herë do të përballet me ata, gjithmonë ministrat i sëmuren.
“Kam kërkesë për interpelancë, por kur duhet të vijnë tek unë, ministrat i ndihmon Zoti me grip stinor. Nuk ka COVID, është grip stinor. Kush po më kërkon të ulem? Unë nuk ulem aq kollaj. Znj. Konomi unë nuk ulem kollaj, ti sot duhet të shkosh te greva. Po dërgoj kërkesën për interpelancë urgjente. Sa herë kërkoj interpelancë, ministri sëmuret. Zoti i ndihmon ministrat, kur duhet të vijnë tek unë”, tha ai.
