“Për çdo metër katror territor dhe dëmtim që ndodh në të, do të ketë përgjegjës dhe përgjegjësi të punonjësve të policisë”. Ky ka qenë paralajmërimi i dhënë nga ministri i Brendshëm, Bledi Çuçi, ku së bashku me Ministren e Turizmit, Mirela Kumbaro zhvilluan një takim me drejtuesit Qendrorë, Vendorë dhe të Kufirit në Policinë e Shtetit. Ministri i Brendshëm u ka dhënë porosi drejtuesve të policisë për krimet mjedisore, për ti klasifikuar me të njëjtën prioritet si vrasjet.
Ministri deklaroi prerë se nuk do të ketë asnjë tolerim, por ndëshkim të ashpër ligjor për ndotje të mjedisit, prerje pyjesh apo dëmtim të lumenjve.
Ministrja e Mjedisit tha se përmes akteve ligjore, që janë duke u hartuar nga grupet e punës nga njëra anë dhe bashkëpunimit e koordinimit më të mirë në terren të strukturave të mjedisit, IKMT dhe Policisë së Shtetit, lufta ndaj krimeve mjedisore do të zhvendoset në një fazë të re, më intensive.
Sakaq, Drejtori i Përgjithshëm i Policisë së Shtetit, Gledis Nano, u shpreh se problematika për çështjet mjedisore qëndron. Ai tha se Policia e Shtetit, e cila zbulon ngjarje kriminale shumë të sofistikuara, i ka të gjitha kapacitetet për të gjurmuar dhe ndëshkuar edhe këtë natyrë krimi.
