SHBA është shndërruar në një nga vatrat kryesore të koronavirusit.
Presidenti amerikan Donald Trump përgjatë një konference nga Shtëpia e Bardhë bëri paralajmërimin e trishtë teksa theksoi se në javët e ardhshme SHBA pritet të përballet me një numër të lartë viktimash nga COVID-19.
“Do të ketë shumë vdekje në javët e ardhshme. Të dhënat e fundit të SHBA-së flasin për mbi 8,000 viktima dhe mbi 300,000 raste të infeksionit. Është një situatë e jashtëzakonshme, një gjë e tillë nuk është parë kurrë”, deklaroi Trump.
SHBA-ja regjistroi rreth 1 500 të vdekur si pasojë e koronavirusit të ri në 24 orë, sipas informacioneve të Universitetit Johns Hopkins, duke regjistruar kështu bilancin më të rëndë në vend.
Zona më e nxehtë në SHBA për sa i takon përhapjes së virusit vazhdon të jetë qyteti i New York-ut.
Sipas të dhënave zyrtare numri i vdekjeve në rang shteti është trefishuar në tre ditët e fundit.
Situata nxiti guvernatorin e New York-ut të marrë respiratorët nga sektori privat. Pas New York-ut, New Jersey është shteti me numrin më të madh të të infektuarve.
