PDIU: Qarqet ekstremiste greke provokojnë brenda territorit të Shqipërisë

Partia Drejtësi Integrim dhe Unitet ka reaguar së fundmi përmes një postimi në rrjetin social Facebook, ku njofton se më datë 3 Prill në Himarë është ngritur flamuri i Vorio-Epirit.

“Dënojmë si të papranueshme ngjarjen e datës 3 Prill në Himarë, ku qarqet ekstremiste greke provokojnë brenda territorit të Shqipërisë me ngritjen e flamurit të Vorio-Epirit”, thuhet ndër të tjera në deklaratën e PDIU.

Kjo e fundit i bën thirrje shtetit shqiptar që të veprojë me forcën e ligjit në ruajtje të integritetit dhe dinjitetit kombëtar.

Deklarata e PDIU-së: “Dënojmë si të papranueshme ngjarjen e datës 3 Prill në Himarë, ku qarqet ekstremiste greke provokojnë brenda territorit të Shqipërisë me ngritjen e flamurit të Vorio-Epirit.

Shqipëria e vetizoluar për shkak të pandemisë COVID-19, Greqia tregon revanshin për agjendën e saj.

Shteti shqiptar të veprojë me forcën e ligjit në ruajtje të integritetit dhe dinjitetit kombëtar.

PDIU dënon si të papranueshme ngjarjen e datës 3 Prill në Himarë.

Në kohën kur e gjithë Shqipëria është vetëizoluar për të përballuar pandeminë e koronavirus COVID-19, qarqet ekstremiste greke provokojnë brenda territorit të Shqipërisë me ngritjen e flamurit të Vorio-Epirit.

Ngjarje të tilla tashmë janë kthyer në rituale të përsëritura arrogante dhe të dënueshme ligjërisht.

Heshtja për Çështjen Çame, ngritja e varrezave të ushtarëve grekë, censusi i parashikuar me vetdeklarim, shtimi i 3 kushteve të reja nga Greqia për hapjen e negociatave tregojnë për revanshin dhe agjendën këmbëngulse të Greqisë edhe në këtë kohë kur njerëzimi është në betejë për të drejtën e jetës.

I bëjmë thirrje shtetit shqiptar, institucioneve ligj zbatuese, Prokurorisë, SHISH, Policisë, të veprojnë me forcën e ligjit në ruajtje të integritetit dhe dinjitetit kombëtar”.