Pas caktimit të masës “arrest shtëpie” për shkak se u kap me 2 pistoleta në kufirin e Shqipërisë, këngëtarja Fjolla Morina është e izoluar në një shtëpi në Kukës.
Kolegia e Fjollës, Fifi, e cila duket se është edhe njëra ndër mikeshat e saj më të mira, ka shkuar për një vizitë në shtëpinë e saj, duke i dëshmuar mbështetjen në të mirë e në të keq.
Fifi ka publikuar në Instagram një video shumë emocionuese, në të cilën Fjolla shihet duke komunikuar përmes celularit me vajzën e saj të vogël. “Ajo ka nevojë për vogëlushen e saj! Fjolla Morina çfarëdo që të ndodhë, kudo që jeta na përplas, në të mirë e në të keq unë jam aty për ty”, ka shkruar Fifi.
Këngëtarja Fjolla Morina ka qenë kryefjala e mediave, pasi u kap nga policia me 2 pistoleta (njëra prej tyre ishte çakmak) dhe disa fishekë, të cilat i kishte brenda makinës së saj.
Pas arrestimit, ajo iu nënshtrua një kontrolli mjekësor dhe rezultoi se ishte 2-muajshe shtatzënë. Por pas analizave përfundimtare, u zbulua se ajo se kishte gënjyer.
Pas paraqitjes në gjykatë, Fjolla Morinës iu dha masa “arrest shtëpie” me kushtin që ajo të qëndronte në Kukës.
