Kryeministri Rama ka apeluar ndaj opozitës jashtë parlamentare, që të mos e bojkotojë mbledhjen e Këshillit Politik që do të mbahet sot në orën 17:00. Ai iu rikujton faktin se duhet të vijojë dialogu tripalësh së bashku me opozitën parlamentare, për reflektimet e risive kushtetuese.
“Sot në 17:00 është propozuar nga ana jonë përmes Damian Gjiknurit mbledhja e Këshillit Politik. Përsëris apelin për OP jashtëparlamentare që të mos e bojkotojë Këshillin Politik dhe të vijojmë dialogun tripalësh së bashku me OP parlamentare, për reflektimet e risive kushtetuese!”, njofton kreu i qeverisë.
Sot në 17:00 është propozuar nga ana jonë përmes Damian Gjiknurit mbledhja e Këshillit Politik. Përsëris apelin për OP jashtëparlamentare që të mos e bojkotojë Këshillin Politik dhe të vijojmë dialogun tripalësh së bashku me OP parlamentare, për reflektimet e risive kushtetuese!
— Edi Rama (@ediramaal) July 22, 2020
Mazhoranca firmosi një ditë më parë një marrëveshje me të ashtuquajturën opozita parlamentare për hapjen e listave dhe heqjen e koalicioneve. Opozita e bashkuar jashtë parlamentit ende nuk ka kthyer përgjigje nëse do shkojë apo jo në takimin e sotëm të Këshillit Politik.
