Presidenti Ilir Meta i ka bërë thirrje popullit që më 2 mars të dalë në bulevardin “Dëshmorët e Kombit”, kundër grushtit të shtetit. Ai theksoi se më 2 mars do të firmosë dekretin e parë përballë popullit në bulevard, për të shpartalluar grushtin e shtetit.
Në konferencën për media, Kreu i Shtetit u shpreh se grushti i shtetit po bëhet nga qeveria dhe kryeministri Edi Rama, pasi po shkelet Kushtetuta me ndryshimin e ligjit për betimin e gjyqtarëve.
Teksa ende nuk dihet formati i protestës, Meta lëshoi ‘shashkën’ e radhës, kur theksoi se ata që i dërgojnë mesazhe në WhatsApp, më 2 mars të porosisin poture të gjera.
Zoti presidenti, ju thatë disa herë gjymë-parlamentin/ Pse nuk e shpërdani atë meqë e quani gjysmë-parlament? Kemi ju emra konkretë për këtë grushtin e shtetit?
“Pjesëmarrje në këtë grusht shteti është qeveria, ai është një parlament jo kushtetues. Çdo ditë do të ketë lajme për grushtin e shtetit. Veprimet e presidentit do të jenë në mbrojtje të Kushtetutës. Nëse kjo godinë është sot një kështjellë e mbrojtjes së Kushtetutës, nga data 2 mars kur do të vendoset dekreti i parë i grushtit të shtetit, pikërisht para popullit shqiptar në bulevardin “Dëshmorët e Kombit” do të godasim këtë grusht. Vendi është bërë në një qendër të pastrimit të parave. Ne në 2 mars ju presim të gjithëve pasdite në bulevardin “Dëshmorët e Kombit”. Ata që kërkojnë popullin e presidentit në WhatsApp, të porosisin poture të gjera”.
