Italia po përballet me një rrezik të “rigjallërimit” të pandemisë në vend, teksa numri i të infektuarve vijon të rritet nga dita e ditës.
Sipas Worldometers, gjatë 24 orëve të fundit në shtetin fqinj janë regjistruar 947 raste të reja, njëqind raste më shumë se një ditë më parë.
Ndërkohë, edhe numri i viktimave po shikon një rritje të lehtë. Gjatë 24 orëve të fundit, kanë humbur jetën 9 persona nga COVID-19, në krahasim me 6 që u shënuan dje.
Në katër ditët e fundit, Italia ka regjistruar vetëm rritje të rasteve të reja, duke shënuar 320 raste të hënën, 401 të martën, 642 të mërkurën dhe 840 të enjten.
Deri më tani, Italia ka regjistruar 257.065 raste pozitive gjithsej dhe 35,427 viktima. Aktualisht, në vend janë më shumë se 16 mijë raste aktive.
Rreth 23 milionë njerëz nga e gjithë bota janë prekur nga koronavirusi, ndërsa mbi 798 mijë persona kanë humbur jetën.
