Pas deklaratës së kryeministrit Rama, i cili tha se “po pret me durim provën shkencore të audio-përgjimit nga prokuroria dhe këtu jemi, shqiptarët do shohin e do gjykojnë” ka reaguar nënkryetari i PD-së Edi Paloka.
Me anë të një statusi në rrjetin social “Facebook”, Paloka i përgjigjet kryeministrit Rama, duke u shprehur se ky i fundit gënjeu shqiptarët për vërtetësinë e audiopërgjimit që implikon vëllain e ministrit të Brendshëm, Fatmir Xhafaj, në trafikun e drogës.
“Sa më shumë përpiqet dhe i mbron, aq me shumë zhytet në llumin e tij të krimit”, shkruan Paloka.
Më herët, Rama akuzoi kryedemokratin Basha se po pengon integrimin e vendit. “Zhytu Lulëzim zhytu, thellë e më thellë, nxirr nga fundi i llumit sa me shume nga keta xhevahirë dhe dërgojua vrap miqve të tu t’i përdorin kundër Shqipërisë!”, shkruante Rama në rrjetin social “Facebook”.
Postimi i plotë i Edi Palokës
E nxorri koken fare pak nga llumi, sa per te treguar se po kapin fundin.
Sa me shume perpiqet dhe i mbron aq me shume zhytet ne llumin e tij te krimit, aq me i pashprese behet.
Dje , pasi mashtroi prape mbi ekspertizen per pergjimin qe paskesh bere vete, nuk gjente dot deren per te dale nga salla e konferences me gazetaret. Sot u perdrodh prape e deklaroi se po pret ekspertizen e prokurorise se tij.
Mblodhi llumin e krimit e droges dhe ja paraqiti shqiptareve si xhevahire duke i bere kryetare bashkie, deputete e ministra…
Edvin, je ti qe me “xhevahiret” e tu, nga Elvis Roshi tek Sajmir Tahiri e Fatmir e Agron Xhafa duke punuar per pushtetin dhe pasurine tuaj, punoni dite e nate kunder Shqipërise e shqiptareve.
Me 26 maj shqiptaret jane thirrur qe te pastrojne llumin tend Edvin. Priti tek dera…
