Ministri i Jashtëm i Greqisë Nikos Dendias, pritet të vizitojë Tiranën më 20 tetor, bëjnë të ditur burimet për Ora News.
Një nga temat kryesore të bisedimeve do të jetë dhe çështja e detit me Shqipërinë.
Në një intervistë për mediat greke pak ditë më parë ai u shpreh se çështja kërkon që të zgjidhet sa më shpejt që të jetë e mundur.
Kryediplomati helen shpreson te rinisja e dialogut mes Shqipërisë dhe Greqisë rreth kësaj marrëveshje, ndërsa theksonte se zgjidhja e problemeve të vjetra është edhe në interesin e Shqipërisë duke pasur parasysh perspektivën evropiane.
Deklarata e kryeministrit grek, Kiriakos Mitsotakis se Greqia do zgjerojë ujërat e saj territoriale me 12 milje, ka shkaktuar debate në vend.
Por, kryeministri Rama tha se kjo deklaratë nuk ka lidhje me Shqipërinë.
