Celibashi: Pjesmarrja në zgjedhje 45.72%, PS fiton 74 mandate ndërsa PD 59

Komisioneri Shtetëror i Zgjedhjeve, Ilirjan Celibashi informoi opinionin publik lidhur me ecurinë e deritanishme të procesit të numërimit të votave.

Në një deklaratë për mediat, Celibashi u shpreh se se ka përfunduar totalisht numërimi i votave në 4922 qendra votimi, ndërsa vijon ende në qarqet Tiranë dhe Durrës.

Ndër të tjera, ai tha se pjesëmarrja zyrtare në zgjedhje, nga qendrat e numëruara deri më tani, rezulton të jetë 45.72%.

Ilirjan Celibashi: ”Në lidhje me ecurinë e deritanishme të procesit zgjedhor, kemi këtë informacion: Ka përfunduar tërësisht numërimi për partitë politike në 4922 qendra votimi. Ka përfunduar tërësisht numërimi për partitë dhe koalicionet për qarqet Shkodër, Lezhë, Kukës, Fier, Elbasan, Gjirokastër, Korçë, Dibër, Berat e Vlorë. Për Tiranën dhe Durrësin procesi ka përfunduar në 11 qendra të votimit dhe është ende në proces në 13 qendra të tjera, përkatësisht 270 qendra votimi. Procesi i numërimit të votave për kandidatët ka përfunduar në 12 vende të numërimit dhe ka filluar për 23 vende numërimi të tjera. Pjesëmarrja zyrtare në zgjedhje, pas përfundimit të numërimit në 4922 qendra votimi, është 45.72%.

Berat: PD 2 mandate, PS 5 mandate; Dibër: PD-AN 3 mandate, PS 2 mandate; Durrës: PD-AN 6 mandate, PS 8 mandate; Elbasan: PD-AN 6 mandate, PS 8 mandate; Fier: LSI 1 mandat, PD-AN 6 mandate, 9 PS; Gjirokastër: PD-AN 1 mandat, PS 3 mandate; Kukës: PD-AN 2 mandate, PS 1 mandat; Lezhë: PD-AN 4 mandate, PS 3 mandate; Shkodër: PSD 2 mandate, LSI 1 mandat, PD-AN 5 mandate, PS 3 mandate; Tiranë: PSD 1 mandat, LSI 2 mandate, PD-AN 15 mandate, PS 18 mandate; Vlorë: PD-AN 4 mandate, PS 8 mandate.”