Bojken Abazi nxjerr fotot: PS po i bën të pavlefshme fletët e votimit

Kandidati i pavarur në Tiranë, Boiken Abazi ka denoncuar ditën e sotme sesi Partia Socialiste sipas tij, po manipulon votat duke i kthyer ato të pavlefshme.

Ai ka nxjerrë disa foto të fletave të votimit, ku shenja ‘X’ është vendosur edhe te Partia Socialiste, por edhe te Bojken Abazi.

Për të mbuluar krimin elektoral, mbrëmë tentuan me të gjitha format e presioneve që mos t’i lejonin vëzhguesit tanë të bënin fotografi në qendrat e numërimit. Por ja që ia dolëm sërish me fakte të tjera të dëshmojmë se si votat tona deformohen me një ‘X’ të dytë nga komisionerët, për t’ia kaluar votat tona PS ose për t’i shpallur ato të pavlefshme’, shkruan Abazi në rrjetin social, Facebook.