Konspiracionisti Alfred Cako, i cili ka shkaktuar jo pak zhurmë me deklaratat e tij në lidhje me një mbyllje të dytë për Shqipërinë, i qëndron fort bindjeve të tij.
Ai shprehet se në Shqipëri deri në fillim të dhjetorit, do të funksionojë me orare. Cako tha se do të bëhet karantina deri në orën 18:00. Pas datës 10 janar, sipas tij e gjithë bota do të futet në një lockdown shumë të egër.
Më herët ju keni parashikuar se do të ketë një lockdown të dytë për vendin tonë. A do të kemi ne një izolim tjetër, duke patur parasysh që kufizimet e para kanë filluar?
“Mendoj që mund të rriten oraret, mund të bëhet deri në orën 18 në mbrëmje dhe ky do të jetë deri në fillim të dhjetorit. Në dhjetor mendoj që do të lirohet pak, do kalohet dhe viti i ri normal. Pas datës 10 janar, këta do ta fusin të gjithë botën në një lockdown shumë të egër dhe do të vazhdojnë të mashtrojnë me shifrat e të infektuarve dhe të vdekurve”, ka thënë ai në një intervistë për gazetën “Fjala”.
